Salome

Pilit mang ikubli

sa ‘yong dibdib,

larawan ng pait,

iyong hinanakit;

langit ma’y tila nakapikit

at mundo’y mapanakit…

Wag alintanain ang karimlan

at ang agimat mong

mata’y buksan.

Sa saliw

ng musikang malaya,

basbas ng apoy

iyong biyaya

Sayaw, Salome, Sayaw…

Di mapipiglang mapaluha.

Hapong-hapo sa

pag-ibig mong dula.

Tila buwa’y nangungutya…

Punit-punit na kalul’wa

Wag alintanain ang karimlan

at ang agimat mong

mata’y buksan.

Sa saliw

ng musikang malaya,

basbas ng apoy

iyong biyaya.

Sayaw…

Salome…

Sayaw…